كل التسبيح والمجد والإكرام بيليق فيك يا إله السما والأرض، إنت اللي بتشرق نورك علينا كل صباح وباقي معنا بكل لحظة.
شو حلوة الحياة معك يا ربّي يسوع لأنها بتنمّينا وبتخلّينا عايشين بسلام رغم كل الصعوبات والآلام، وشو قاسية بعيد عنّك لأنها بتجبرنا نعيش بالنقص والفراغ والخطية.
الحياة معك يا ربّي يسوع بتخلّينا نحسّ بالأمان إنّو في عنا كتف نسند حالنا عليه بظل الظروف الصعبة اللي منمرق فيا، بينما بعيد عنّك يا ربّ الحياة ما إلها طعمة وبتودّينا للموت الأبدي.
ومع إننا متأكّدين من هالحقيقة إلاّ إننا بعدنا عم نعيش أنانيتنا ونستسلم لأهواءنا، ساعدنا يا ربّ تا نرجع نختار كل يوم الحياة معك، ونحوّل الموت من هلاك لمعبر أساسي تا نستقر فيك للأبد.
/الخوري يوسف بركات/
