منرفعلك يا بيّنا السماوي كل التسبيح والمجد والإكرام بهالصباح المبارك، ومنشكرك على حضورك الدايم معنا بالأسرار والكنيسة والإنسان.
يا ربّي يسزع، دايماً بكلامك بتحكينا عن ملكوت الله وبتعطينا تشابيه وأمثلة كتيرة عليه وبعدنا عم نضيع عن هالمفاهيم ونغيّر وجهتنا ونهرب صوب ملكوتنا الأرضي، ملكوت الـ أنا تبعنا.
شو حلوة قصّة حبّة الخردل يا ربّ، هالحبّة اللي بتنما بعمق وبترتفع بالعالي وتعطي ثمر، وكأنّها جسر العبور من الأرض للسما، صلة المحبّة بيننا وبينك يا إله المحبّة.
هيك إيماننا فيك يا ربّ، متل هالحبّة، بيبلّش صغير كتير وبْيِنما بالعمق شوي شوي تا يوصل لعندك ويستقرّ فيك، ويثمر قداسة.
أعطينا يا ربّ القوّة فيك تا ننما بهالإيمان الحلو ونشهدلك ونستقي منّك ونستقر فيك يا نبع الحياة.
/الخوري يوسف بركات/
