بصباح هالنهار وإطلالة جديّة لهالأسبوع، الخليقة كلّا بتسبّحك يا ربّ وبتمجّدك وبتباركك.

يا إلهنا الحق، كيف الإنسان بيقدر يبقى بالخطيّة وبعيد عن الحق دايماً وما بيسأل حالو إذا مرتاح بعيد عن الحقيقة؟

يا إلهنا الحق، إنت علّمتنا إنّو الكذب بوابو واسعة بس ما بتودّي إلاّ للهلاك، وبتنبّهنا ما ننجرّ لتجارب الشيطان وحيلو.

يا إلهنا الحق، إنت بتعرفنا على حقيقتنا إذا صادقين معك أو عم نهرب منّك من باب الكذب الواسع، ساعدنا تا نتشدّد فيك عند كل تجربة، ونسلّمك ذاتنا بصدق وأمانة، وبوجّ سطوة الشرّ والأنانيّة والكبريا.

نعم يا ربّ، إيماننا ثابت فيك، ورح نبقى دايماً عم نسعى تا نتّحد فيك ونعيش بحسب رغبة قلبك.

/الخوري يوسف بركات/