منبتدي نهارنا بصباح مليان حب وفرح وسلام لأنّو شمسك عم تشرق علينا يا إلهنا الحبيبيا ربّي يسوع، كيف فينا، نحنا البشر المحدودين، نعرف حقيقة الله الآب من دونك؟ إنت اللي عرّفتا عالآب الحنون وعالروح القدس الحامي والمعزّي.
يا يسوعنا الحبيب، إذا كنّا من دونك ما منعرف عظمة الإنسان، كيف رح نقدر نعرف الله الآب من دونك؟ لأنّك إنت قلت اللي بيشوفك بيشوف الآب، لهيك منكون عميان، أو بالأحرى بعدنا بعاد عن الإيمان إذا ما شفنا الآب فيك ولمسنا الروح القدس بكلامك.
يا يسوعنا الغالي، منشكرك لأنّك عرّفتنا على الله وبعدك عم بتعرّفنا عليه لمّن بتعلّمنا الطاعة والمحبّة والخدمة.
يا ربّ، فتاح عيوننا تا نضل عم نشوف حقيقة حبّك بكل الإشيا وبالإنسان، تا نقدر نجي لعندك بحبّ وننما فيك للأبد.
/الخوري يوسف بركات/
