بصباح هالنهار اللي فيه عم تمطر علينا من خيراتك وبركاتك يا ربّ، منرفعلك كل المجد والشكر.
يا ربّي يسوع، اليهود وكل إنسان ما بيآمن فيك بيحكو عن الموت الجسدي بإنّو نهاية الحياة، بس نحنا أبناء القيامة منتعلّم منّك إنّو الموت منّو إلاّ إستعداد ولحظة إنتظار تا ننتقل للحياة اللي ناطرينا واللي منطلب ومنسعى إننا نكون منستاهلا ومنستحق الفرح السماويّ.
يا ربّي يسوع، إيماننا فيك كتير كبير، أكبر من الموت والخطيّة اللي عم تتربّص فينا، وكلنا ثقة ورجا إننا فيك رح ننتصر عالموت الروحي وعالخطيّة.
يا يسوعنا الحبيب، إنت حياتنا وسلامنا وفرحنا، ومعك منلاقي الأمان والراحة، وكل أمنياتنا إننا نغادر هالدني ونكون معك، ويكون للموت معنى وطعم تاني فيك.
/الخوري يوسف بركات/
