مبارك أنت يا رب وممجّد ومسبّح من كل خليقتك اللي، من فيض حبّك، عم تشرق علينا بنورك وتعطينا الحياة.

يا ربّي يسوع، إنت اللي بتعلّمنا إنّو وحدو اللي بيحبّ هوي اللي بيعرف ينطر.

إنت اللي حبّيتنا وناطر إننا نجي لعندك ونعيش بقلبك.

كتير من الأوقات، يا ربّ، منبعد عن الطريق ومنضيّع بأوهامنا وبأنانيّتنا، وبتبقى عم تدعينا، بكل لحظة، تا نرجع عن ضياعنا.

علّمنا يا ربّ كيف ننطرك بالصلاة والتأمّل والشوق، ونحضّر حالنا وبيوتنا وعائلاتنا للقاءك، ونستعد للوقوف قدّامك بملكوتك ونحنا حاملين باكورة أعمالنا.

مدّ إيدك يا ربّ وشيلنا من روح العالم اللي عم بتواجهنا وما بتخلّينا نعيش هالإنتظار بسلام، ووعّي بقلوبنا حبّ وخدمة الآخرين.

/الخوري يوسف بركات/