مع بداية هالأسبوع، وبصباح هالنهار المبارك، منرفعلك يا ربّ كل التسبيح والمجد والإكرام.
يا يسوع الحبيب، مناخد درس منّك اليوم بحدث الزانية، اللي جابولك ياها تا ترجما، إنّك ما بترضى بالخطيّة بس بتقبل الخاطي لمّن بيرجع لعندك تايب، ومنتعلّم إننا نرفض الخطيو ونحنّ على الأشخاص الضعاف النفوس.
يا ربّي يسوع، الشيوخ والفرّيسيّين تفاجأوو من جوابك بخصوص الزانية، وضاعو قدّامك لمّن تركتا وما حسبت عليها خطيّة، بشرط إنها تغيّر حياتا، ونحنا متل هالمرا، كل يوم ناطر تا نجي لعندك بخطايانا ونحطن قدامك بفعل توبة صادقة وحقيقية، وعليك الباقي.
أعطينا يا ربّ إننا نعيش ميلادك بالمحبّة والتسامح تا نقدر نشوف، بميلادك العجيب، هالرجا بحياة جديدة معك وبعيدة عن الخطيّة يا إله المحبّة.
/الخوري يوسف بركات/
