قرّب العيد، عيد الفرح والسلام اللي حلّ عالأرض بميلادك يا ربّي يسوع وبتجسّدك بيناتنا ومعنا وفينا، منسبّحك ومنشكرك ومنباركك.

كيف ما بيقدر الإنسان يآمن فيك يا يسوع بإنّك الله اللي تجسّد وصار إنسان ، وإنت اللي أقوالك وأعمالك وحتّى حياتك عالأرض كانت بتدل على الوهيّتك، بس الإنسان أناني ما بيقبل حدا ياخد مكانو وخاصة بمركز السلطة؟

كيف بيقدر الإنسان يعيش بالظلام وما يوقع أو يأذي حالو وغيرو بغياب النور، وهيك نحنا يا ربّ حياتنا كلّا ظلمة من دونك، وحياتنا كلّا رح بتكون للهلاك إذا كان أعمالنا وأقوالنا ما بتليق فيك.

إنت نورنا اللي منمشي على هديو درب القداسة، يا ربّ ، ساعدنا على إننا نثبت فيك للأبد.

/الخوري يوسف بركات/