الصبح إلك والمجد والتسبيح إلك يا إلهنا الحبيب، منشكرك على كل نعمك وعطاياك وعلى حضورك الدايم والحقيقي بحياتنا.
شو حلوة وشو قوية وشو مهمّة الشهادة لإلك يا ربّ السما والأرض، بس فيها صعوبة كبيرة بيواجها كل واحد وواحدة منا متل ما واجها القدّيس أسطفانوس أوّل الشهدا، واللي قدام الموت والإستشهاد ما تراجع وبقي تلميذ حقيقي لمعلّمو الإله الحقيقي.
قديش في إيّام وأوقات منبعد عن البشارة فيك يا ربّ، ومنلتهي متل الكتبة والفرّيسيّين بالقشور، ومنترك الأنانيّة تلعب دورا بحياتنا ومنصير ضايعين بين تحقيق شو بدنا وبين شو إنت بتطلب منا لخلاصنا.
يا ربّي، بدنا ورح نحاول نتخلّى عن أنانيّتنا ونعيش شو إنت بتريد منّا تا نستحق لقبنا كمسيحيّين ومسيحيّات عايشين بحسب تعاليمك حتى الإستشهاد.
/الخوري يوسف بركات/
