بصباح هالأحد الفارح، ومع إطلالة شمس هالنهار، منرفعلك يا ربّ كلّ التسبيح والتمجيد.


مع المرا الكنعانيّة، ومع كل إنسان بيآمن فيك وبيحبّك يا إلهنا الحبيب، منصرخلك: "إرحمنا يا ربّ"


إرحمنا يا ربّ بكل مرّة بعّدنا فيها عنّك، ورح نعمل كل جهدنا تا نكون قراب منّك.


إرحمنا يا ربّ، بكلّ مرّة منخطي فيا، وقوّينا تا نعرف بشاعة الخطيّة، ونتوب عنها ونرجع لإلك.


إرحمنا يا ربّ بكل مرّة عبدنا فيها ذاتنا أو آلهة غيرك أو كنّا أنانيّين، قوّينا على إننا نطلع من حالنا تا نوصل لعندك بالأسرار وبالآخر.


إرحمنا يا ربّ، بمشاكلنا وبأمراضنا وبآلامنا وبتفكك عائلاتنا، قوّينا تا نعرف قيمة حبّك لإلك ونبادلك الحبّ.

/الخوري يوسف بركات/