ما أجمل الصباح لمّن بيشرق نورك علينا يا ربّ بهالأحد الفارح اللي فيه الخليقة كلّا بتمجّدك وبتعظّمك.
منسبّحك يا ربّي يسوع، إنت اللي فتحتلنا باب السما ودعيتنا تا نكون أبناء للآب وما نتأخّر نلجألو ونسألو بكل شي منحتاجو من نعم وعطايا.
يا ربّ السما والأرض، كلنا إيمان إنّو الحياة هيّي عطيّة منّك، وتا نبقى فيها نعمة منك، وإنّك بتحبّنا حبّ ما إلو حدود، وولا مرّة بتسكّر البواب بوجّنا.
با إله المحبّة، إنت البيّ الحاضر دايماً تا تساعدنا وتسمع طلباتنا وتسدّ حاجاتنا وتفيض علينا من عطفك وحنانك أكتر من ما منتصوّر، إنت اللي بتعرف الضروري لحاجاتنا بيوميّاتنا.
يا ربّ، بدنا نكون الأرض الصالحة لزرعك الجيّد، نسعى إننا نقبل كلمتك بفرح، ونعمل فيها بإجتهاد، ونفعّلا بأمانة، وتكون إنت هدف حياتنا رغم كل الصعوبات والضيقات والتحدّيات اللي منواجها.
/الخوري يوسف بركات/
