كل التسبيح بيليق فيك يا الله، وكل الشكر والمديح قلال تجاهك يا ربّ السما والأرض.
يا يسوع الحبيب، الإنسان، كل الإنسان هوي موضوع إهتمامك ، إنت اللي جيت عا هالأرض تا تخلّصو بعد ما خسر إنسانيّتو بسبب الخطيّة.
يا ربّنا وإلهنا القدّوس، الإنسان بذاتو مشروع قداسة عندك، إنت اللي بتحبّو لدرجة بذل الذات، شلتو من كل ضعف وخطية وإفتديتو عالصليب.
يا مخلّصنا وفادينا، هالإنسان اللي إنت بتحبّو، بعدو متعلّق بضعفو وبخطيتو وبأنانيتو، مع إنّو بيعرف إنّك شايفو وقلبك عم يتحسّر على ضياعو.
ورغم كل الضعف اللي نحنا فيه، رح نضلّ نسعى إننا نطلع من ذاتنا تا نوصل لعندك، نبعد عن الخطيّة ونتقرّب منّك ونحبّك أكتر ، وندوب بقلبك أكتر وأكتر، ونتّحد فيك متل ما إنت إتّحدت بكنيستك.
/الخوري يوسف بركات/
