مع إطلالة هالصباح الحلو بنهاية هالأسبوع المبارك، منرفعلك يا إله السما والأرض أجمل التسبيح والتمجيد.


يا يسوعنا الحبيب، إنت المعلّم الأوحد، ومنّك منسترشد متل الأولاد الصغار، تا نوصل لمعرفتك ومعرفة الآب والروح القدس أكتر وأكتر.


ونحنا يا ربّ، صرنا عم نعيش الشكّ بحياتنا، لدرجة إننا صرنا عم نمنع الآخرين من معرفة الله الحقيقيّة، لأنّو صار عم يعبّر عن كبرياءنا، ولا منفكّر بتأثيرو على المحيط اللي عايشين فيه.


وإنت يا ربّ، حكمك قاسي كتير على يللي بيمنع الناس من إنّن يتعرّفو عا الله اللي خلقن، ويعيشو بسلام وبفرح الروح.

والمغفرة والتوبة يا ربّ، هنّي الوسايل اللي بيخلّو الإنسان يربح الملكوت.

/الخوري يوسف بركات/