بيوم من الإيّام، التقو الخير والشرّ، وقرَّرو يتمشّو سوا.

ومن بعد ما قطعو مسافة طويلة وتِعبو، بيقول الشرّ للخير : 

«بترجّاك حمِلني ع كتافَك».

بينتفض الخير وبيقلّو :

«معقول تطلب منّي هالشي، أكيد إنت مجنون، أنا الخير إحمل الشرّ ع كتافي؟ الخير بيعلا وما حدا بيعلا فَوقُو، تفضَّل إنتَ احملني ع كتافَك».

الشرّ بيقبل، وطلع الخير ع كتاف الشرّ، ومن وقتها الخير مريِّح حالو، والشرّ عم يتنقَّل بين البشر.




الزوّادة بتقلّي وبتقلَّك :


«أوعا تخلّي الشرّ يحملك، خلّي الربّ يحمل معك، وكمِّل الطريق للآخر حتَّى توصل للملكوت».

المصدر : صوت المحبّة