الله معك...
أنا وعم فلفش بصفحات مجلِّة مسيحيِّة، قريت هالكلمات :
«إذا التعب عَم يجتاحَك، والإنتصار عَم يِهِجرك، إذا الفَشَل عَمّ بِيوَجّعَك والخِيانة عَم تِجرَحَك، إذا الطموح عم يُنطفي فيك، والألم عم يِحرُق عينيك، إذا اللامبالاة عَم بِتلِفَّك، وما حدا عَم بيِفهَمَك، وطَعم الرماد عَ لسانَك... ساعِتها كون أكيد، إنّو هيدا الوَقت المناسب حتَّى تعيد حساباتك وتبلِّش من جديد».
الزوّادة بتقلّي وبتقلَّك :
«الربّ بيحِطّ على دروبنا علامات كتيرة لازم نعرف نستفيد منها حتَّى نبلِّش من جديد».
المصدر : صوت المحبّة
