الله معك...
بيخبرو عن شَبّ كان يضلّ زعلان، بيوم من الإيّام سألو صديقو شو سبب حزنو وليش بيضلّو مهموم، جاوَبو :
«عم بتعب من كلام الناس، كتير عم يشغلّي بالي، بدّي مِنَّك نصيحة».
جاوبو رفيقو :
«عمول متلي أنا بكتب كلّ حَكي الناس عنّي ع دفاتر... بحطها تحتي وبوقف عليها، وهيك بصير أعلى منها».
الزوّادة بتقلّي وبتقلَّك :
«الكلام رخيص، ما تهتمّ لَحَكي الناس، خاصَّةً إذا كان ما بيقدِّم ولا بيأخِّر».
المصدر : صوت المحبّة
