الله معك...


بيخبرو عن بَيّ رِجِع من الشغل ع البيت، فات ع أوضتو وشاف إبنو الزغير عم بيفَلفِش بوراقو.

سألو البَيّ :

«شو عم تعمل؟»

قَلّو :

«عم جرِّب إقرا مشاريع عملك بس مش عم بقدر إفهم شي». 

البَيّ انبسط لأنّو إبنو إعترف بِيَلّي كان عم يعملو وقَلّو :

«يا إبني، هيدا مش بس شِغْلي، هيدا مشروع حياتي، وصعب كتير عليك تفهمو، إلّا إذا أنا ساعدتك وشرحتِلَّك عَنّو».




الزوّادة بتقلّي وبتقلَّك :


«الإنجيل مشروع الله الخلاصي وجوهر حياتو، وصعب كتير علينا نفهمو، إلّا إذا شرحلنا ياه الآب، بواسطة روحو القدّوس».

المصدر : صوت المحبّة