الله معك...
بتعرفو من وين إجا إسم الشعنينة؟
هاليوم اللي فيه منتذكَّر دخول يسوع عا أورشليم.
كلمة شعانين هيّي من أصل عبري "هوشعنا" اللي بتعني : خلّصنا!
و الشعب بس شاف يسوع صار يصرخلو خلِّصنا خلِّصنا لأنُّن كانو عم يعانو من حُكم الرومان اللي عذَّبو كتير ناس و قَتَلو ألوف العالم.
هالناس من ألفين سنة عِرفو إنّو يسوع هوّي الخلاص.
و نحنا بعد ألفين سنة خبرة بالحياة ما حلنا نعرف إنّو ما في خلاص إلّا بالمسيح و ما في غيرو طريق للسما!؟
ليش بعدنا عم نبعد عنّو!؟...
الزوّادة بتقلّي وبتقلَّك :
اليوم فرصة إلنا نعيد النظر بكلّ حساباتنا و نتحضَّر حتّى تكون قلوبنا كلّها أورشليم و نستقبل يسوع فيها عن جديد! والله معك.
خدّام الربّ ®
