رغم كل الصعوبات، وبوج كل شي في ازمات عم تعترض طريقنا، بيبقى نورك يا رب عم يشرق علينا مع كل إطلالة نهار جديد، منشكرك عا حبّك الكبير لإلنا.
يا يسوعنا الحبيب، لو بيطرحو علينا السؤال اللي سألتو لتلاميذك: مين إنت بالنسبة لكل واحد وواحدة منّا؟ يمكن جواباتنا رح تكون متفاوتة متل ما عملو الرسل، بس الأكيدين منّو إنّك وحدك إلهنا ومخلّصنا.
يا مسيحنا الغالي، رغم ضعفنا اللي بيشبه ضعف مار بطرس، منقدر نقلّك يا ربّ إنّك إنت المسيح إبن الله الحيّ اللي جيت ها هالعالم تا تخلّصنا، واللي باقي معنا بكلمتك وبجسدك ودمك زاد وزوّادة لحياتنا تا نكون عم نعيش الشهادة لإلك بكل لحظة.
يا إلهنا وحبيبنا يسوع، متل ما شهدلك بطرس والرسل بحياتن وبمماتن عن ألوهيتك، نحنا كمان منعلنك إلهنا ومخلّصنا وملكنا، وأعمالنا وأقوالنا رح بتكون شاهدة على حبّنا لإلك وبعضنا لبعض.
/الخوري يوسف بركات/
