النور اللي بيشرق بهالصباح المبارك من نورك يا نور الأنوار، ونار المحبّة اللي زرعتا بقلوبنا، عم يلمعو بالتسبيح والتمجيد لإلك يا نبع المحبّة.
يا ربّي يسوع، بلقاءك مع بطرس وطلبك منّو إنّو يروح ويدفع الضريبة منّو إلّا دلالة على إحترام القوانين اللي بتفرضا الشريعة، مع إنّك إنت ربّ الشريعة، ووحدك القادر على إنّك ما تدفع تا ما تشكّك حدا.
تعليمك يا ربّي يسوع هوّي بالقول وبالفعل، ومنّك مناخد الدرس بإنّو ما في تعليم من دون شهادة صادقة وصحيحة ومن دون مثل صالح.
منّك يا ربّ منتعلّم كيف نبشّر وكيف منعيش الشهادة لهالبشارة والأمانة اللي إئتمنتنا عليها إننا نعيش حبّك بهالعالم المظلم، اللي عم يفتقد للمسة حب وحنان.
يا يسوع اللي كلّك رحمة وحنان، خلينا نكون عم نعرف نشرق نورك بالعتمة اللي عم بتحاول تغمر قلوب وعقول كتير من الناس الضعاف بإيمانن.
/الخوري يوسف بركات/
