ما أجمل صباحك يا ربّ، وخاصَّةً لمَّن بتكون عم تدعيني فيه تا عيش التضحية.


ما أجمل كلامك يا ربّ، لمَّن بتدعيني تا إتخلّى عن أنانيّتي وحطّا بخدمتك مع الآخر.


ما أجمل كلامك يا ربّ، لمَّن بتدعيني تا إفتح باب قلبي لخيّي الجوعان لكلمتك من خلالي.

ما أجمل كلامك يا ربّ، لمَّن بتدعيني تا أعطي من الخيرات اللي بتفيضا عليّي لأنها كلّها مِنَّك وإلك.

ما أجمل كلامك يا ربّ، لمَّن بتدعيني تا شارك خيّي المحتاج من اللي بملكو لأنَّك إنتَ المالك وحدك.

ما أجمل كلامك يا ربّ، لمَّن بتدعيني تا فعِّل كلّ المواهب اللي زارِعا فيّي بهدف محبتك بالآخر.

وشو حلو لمَّن بسلّمك كلّ حياتي تا عيش المحبِّة بعمقا معك ومع خيّي الإنسان يا ربّ.

/الخوري يوسف بركات/