مع نهاية هالأسبوع المليان من خيراتك علينا يا ربّ، منسبّحك يا ربّ ومنمجّدك ومنشكرك عا كِلّ نِعَمَك وخيراتك وعطاياك اللي بتفيضا علينا.

يا ربّي يسوع، مهِمِّة القوانين والشرائع، بس لمَّن بتوصل الشريعة لدرجة إنّها تغنينا عن إننا نفوت بالعمق معك ونعرفك أكتر.

عند اليهود كان السبت يوم الربّ بس عمليًّا ما كان يوم الربّ لأنَّك يا ربّ ما بتريد الشريعة تكون عم تمحي الخدمة والمحبِّة.

يوم الربّ هوّي اليوم اللي عطيت فيه الخلاص للإنسان يا إلهنا الحبيب بموتك وقيامتك وصار يوم النِعَم والبركات ويوم العبور من الموت المادّي لفيض الحُبّ الإلهيّ والحياة فيك.

اعطينا يا ربّ قلبك تا نتعلَّم كيف نحبّ، ونعرف كيف نميِّز الأولويّات بالحياة ونحِبّ العالم فيك يا نبع الحياة.

/الخوري يوسف بركات/