كلّ التسابيح مرفوعة لإلَك يا ربّ، اليوم وبهالصباح المبارك، وكلّ الشُكر منقدِّملك ياه عا حضورك الدايم معنا وبيننا يا إله السما والأرض.


يا يسوع الحبيب، إنتَ اللي علَّمتنا إنّو الصوم هوّي مش عواطف وإنَّما هوّي حياة منعيشا بالتواضع والمحبِّة المُتبادلة بعضنا مع بعض.

يا إلهنا الحنون، معك تنشّأنا إنّو الصلاة هيّي مش تِرداد كلام، وإنَّما هيّي تواصُل حقيقي معك ومع كلّ إنسان منلتقي فيه بحياتنا.

يا ربّ الأرباب، مِنَّك منستقي من نبع الصدقة اللي بيجِفّ تا نقدر نروي الآخَر من النِّعَم والمواهب اللي بتفيضا علينا.

منلتفِت صوبك يا ربّ بتوبة حقيقيِّة، ومنعترفلك إنّو ما منقدر نخلص إلّا فيك ومعك، أغمرنا يا ربّ بنعمتك وبرحمتك اللي ما إلهن حدود.

/الخوري يوسف بركات/