الصبح إلَك والمجد إلَك والشكر إلَك يا إلهنا الحبيب، خالق السما والأرض وكلّ اللي فيها.
يا ربّي يسوع، جمال زمن الصوم إنّو بيخلّينا نوقَف قِدّام ذاتنا ونُفحَص ضميرنا، وهوّي مَنّو زمن الصوم عن المآكل وزمن دينونة الآخرين، لأنَّك إنتَ اللي قلتلنا تا ما ندين لئلّا نُدان.
يا ربّي يسوع، ساعدنا تا نقدر نشوف نواقص ذواتنا لمَّن منشوف ضعف الآخرين تا نتوقَّف عن إتِّهامن ولا ندينن، ونتذكَّر إننا نحنا كمان مش كاملين وضعاف وبحاجة لرحمتك تشملنا لأنَّك وحدك الكامل.
ولأنَّك وحدك الكامل يا ربّ، إنت اللي قادر تديننا بعدلك، ومع هيك ما عم تديننا لأنَّك الإله الرحوم وبتعرف الخفايا وبتعرف ضعفنا.
أعطينا يا ربّ القُدرة على إننا نساعد الآخرين تا يتخلَّصو من خطاياهم ونِمشي سوا درب القداسة صوبك.
