HTML مخصص
06 Apr
06Apr

ببداية هالأسبوع اللي فيه عم نتحضَّر لإستقبالك بأغصان النخل والهوشعنا ونعلن عن ألوهيّتك، منرفعلك يا ربّ التسبيح والمجد والإكرام.


يا ربّ، إنتَ اللي قلتلُّن لليهود إنُّن ما رح يقدرو يكونو مطرح ما إنتَ موجود لأنَّك إنتَ النور والحقيقة والحياة وهنّي بعدُن عم يهربو لعالم الظلام والحسد والخداع والقتل.


يا ربّ، إنتَ اللي قلتلنا إنّو ما حدا بيقدر يمشي بالنور إلّا اللي بيشتغل عا ذاتو وبيعمل بكلّ كيانو تا يحقِّق مشيئتك اللي هدفا الجوهري والوحيد هوّي خلاصنا وسعادتنا وسلامنا.

يا ربّ، نحنا كمان بدنا مش بس نمشي، بدنا نعيش بالنور، فيك، وتحت نظرك تا نشوفك إلَك وحدك وما نتطلَّع بحدا غيرك ونبعُد عن الدينونة، ونعيش حالة العبور من هالدني الفانية للفرح الأبدي معك وفيك.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.