سبحانك يا ربّ، خالق السما والأرض، إنت اللي بتشرق علينا نورك وبتملّينا من رحمتك، منسبّحك ومنشكرك.
يا ربّي يسوع، منقرا تاريخ كنيستنا، ومنتذكر أساقفتا ورجالاتا اللي زرعو الإيمان بقلوب أهلنا، وكانو الصخرة اللي إنبنيت عليها الكنيسة.
يا ربّي يسوع، كتير مهمّة الرسالة اللي سلّمتنا ياها إننا نكون الملح نضيف نكهة قداسة بالعالم متل ما الملح اللي بيطيّب الطعام.
يا ربّي يسوع، إنت اللي علّمتنا كمان كيف نكون النور بالعالم، نعكس نور الإيمان والمحبّة والرجا لكل إنسان منلتقي فيه بحياتنا، ونكون بأعمالنا الصالحة النور بقلب الكنيسة.
يا ربّي يسوع، بشفاعة مار يوحنا مارون، قوّي إيماننا تا نعرف نشهدلك بكل أمانة وشفافية وإخلاص.
/الخوري يوسف بركات/
