عا قد منو حلو صباحك يا رب ومشرق بنورك، عا قد منو كلامك شفاف وعميق وهادف.
اليوم بتأمّلك وبسمعك عم تدعيني تا ما كون مسيحي مزيّف، وعم تخلّيني فوت لعمق ذاتي وإسأل حالي كيف عم عيشك بين العالم.
بكلامك القاسي للكتبة والفريسيين بتوجّهلي الحديث تا ما كون مرائي، عيش حياتي المسيحية بالكذب.
بكلامك القاسي للكتبة والفريسيين بتوجّهلي الحديث تا ما كون عم خون الأمانة لتعاليمك وصير علّم تعاليم غلط.
بكلامك القاسي للكتبة والفريسيين عم بتوجهلي الحديث تا ما يكون قلبي مسكّر عا محبتك ورحمتك اللي ما إلهن حدود.
مشروعي اليوم إني كون عم خبّر عنّك بكل أمانة وما يكون هدفي إلاّ تمجيد إسمك وإعلان ملكوتك فيّي وبكل إنسان بلتقي فيه.
/الخوري يوسف بركات/
