صباح الأمانة والأمان هوي صباحك يا إله السما والأرض.
يا إلهي الحبيب، إنت اللي بتأتمنّي عا كل الأمور الأرضيّة لانّي إبنك ورسولك تا إمشي بمشروعك اللي فيه بثبت عالأمانة بالأمور السماوية.
اليوم وكل يوم بدّك ياني كون مؤمن أمين مخلص لإلك ومتجرّد عن كل الأرضيات ، وما خالف مشيئتك لأنها رح بتسبّبلي وجع كبير.
ميشان هيك عم بتشدّد عالأمانة لأنّها من صلب مشروع القداسة اللي بتدعيني عليه.
ورغم الصعوبات رح خوض هالمغامرة الحلوة معك بوجّ مغريات الحياة.
رح بختار الأمانة لإلك وكون الوكيل الأمين، أعرف حافظ عالنعم اللي عاطيني ياها وفعّلا بحياتي، وما كون الوكيل الخائن اللي بيهمل عطايا سيّدو وبيطمر المواهب اللي بتغنيه وبتغني الآخرين.
/الخوري يوسف بركات/
