صباح جديد ويوم جديد وأمل جديد بنهار مليان فرح وسلام وامان معك يا رب.
بهالصباح المبارك، بشوفك يا يسوع عم تغفر بقوة لهالانسانة اللي حبّتك بقوة ووثقت فيك إنّك الوحيد اللي رح تغفرلا ذنوبا، والوحيد اللي شافا بجمالا الداخلي وما حكمت عليا متل ما حكم عليك هالفريسي.
اليوم عم بتعلّمني أجمل درس بالحياة يا ربّ، وهوّي إنّي ما آخد بالمظاهر، وما إحكم عالناس، لو شو ما كانو عاملين.
اليوم عم بتعلّمني إنّي غوص بسرّ حبّك العجيب اللي ما إلو حدود، تا اقدر حبّ متل ما انتي حبيت، وإنّي اتعالى عن الكبريا وروح بالمسامحة للأخير.
بهاليوم، اللي فيه بتتذكر الكنيسة قيامتك المجيدة، رح حاول اعمل متل هالمراة التايبة وعيش قيامة جديدة معك من خطيتي بقوة روحك القدوس.
/الخوري يوسف بركات/
