الصبح لك والمجد لك يا إله السما والأرض والحامي البشرية كلّا.
متل ما ترك بطرس والتلاميذ كل شي، بيوتن، اهلن، اولادن وكل اللي بيعلّقن بالعالم، وتبعوك، هيك لازم اعمل لأني رسولك عا هالأرض.
دعوتي يا ربّ إنّي كون متل هالرسل تارك العالم ومغرياتو تا كون معك وإلك.
يا ربّي يسوع، مغريات العالم دايماً بتهدّد إنتمائي لإلك، وبتحاول ترجّعني لحظيرة روح العالم.
بس طريقك واضح يا ربّ وهدفو القداسة، مع إنّو صعب بظلّ كل الصعوبات والتحدّيات اللي بتعترض هالطريق.
ولأنّي من عيلتك يا ربّي يسوع، من كنيستك، عم حاول كون عا قد هالمسؤولية تا أوصل للفرح اللي محضّرلي ياه بديارك السماويّة.
/الخوري يوسف بركات/
