يا إله الخير والربّ الرحوم، صباحنا بيبقى ناقص إذا ما بلّش بتسبيحك وتمجيدك، وحياتنا بتمتلي منك لمّا كل يوم منعلن إيماننا فيك يا إله السما والأرض.
يا يسوعنا الحبيب، قد ما يبرم الإنسان ويفتّش عن السعادة والراحة والمعنى لحياتو ما رح يلاقيهن إلاّ فيك.
وقد ما حاول إنّو يبعّد عنّك، رح تبقى إنت حاضر دايماً حدّو ولو ما إعترف بحضورك لأنّك إنت الربّ الحنون.
يا يسوع، يا نبع الحياة عا هالأرض اللي عم بيحاول يسيطر عليها الموت، إنت خبز الحياة الوحيد اللي مناكل منو تا نقدر نعيش وما نجوع أبداً.
يا يسوعنا الجبيب إنت الحياة الأبديّة ، وكلامك فيه الروح والحق والحياة والحقيقة، ساعدنا تا نبقى معك كل يوم وكل لحظة، ناكل جسدك ودمك، ونكون رسل بشارة حقيقيّين نعرف كيف نجسّد حضورك قدّام كل إنسان منلتقي فيه تا يمجّدك بحياتو.
/الخوري يوسف بركات/
