ما في أجمل من الصباح ومن كل صباح بيبلّش بإشراقة نورك البهيّ يا ربّ، وبتسبيحك وتمجيدك بأصوات الخليقة كلها.
مين نحنا يا رب تا تخلّينا نكون رسلك، نمشّي العالم عا دربك، درب المحبة والسلام.
إنت اللي عطيتنا، نحنا المؤمنين والمؤمنات، القوّة تا نحملك لكل الناس.
علمتنا يا رب إننا نكون حبّة الحنطة، نموت عن خطايانا وعن ذاتنا، حبّا فيك، تا نقدر نعطي ثمر المحبة اللي بتدعينا إننا نعيشا بين الناس.
إنت يا يسوع، اللي متت عالصليب، وبعدك عم يتموت كل يوم كرمالنا، أقل شي حلو إننا نبادلك هالمحبة بالمحبة ونسلّمك ذاتنا بكلّيتا، تا نكون إيديك بهالعالم.
كل إنسان بهالدني تا حتى يوصل لعندك، يا يسوع، لازملو إيمان راسخ وثابت، ونحنا بدنا نكون هالرسل اللي حطّيتنا بدربو تا نوصّلو لعندك، متل ما فيليبس وأندراوس وصّلو الوثنيين لعندك.
/الخوري يوسف بركات/
