السما كلا بتفرح، والأرض باللي فيها بتصرخلك مبارك إنت يا ربّ وممجّد من هلق وللأبد.
كل إنسان يا ربّ بيضيع بمتاهات الخطيّة بهالعالم، وبيصير يتأرجح بأمواج الـ "أنا" اللي عم بتحاول تاكل من عمرنا معك يا ربّ يسوع.
إنت يا ربّ هالمرأة اللي ضيّعت الدرهم وفتشت عليه تا تلاقيه.
وإنت وحدك يا إلهنا الحبيب اللي بتبقى تا تبرم بهالدني كلا عن خاطي واحد يقبل إنّك تلاقيه تا تخلّصو.
هيدا هوي الحبّ المجّاني الحقيقي اللي بتعلّمنا ياه إننا نعيشو بحياتنا يا ربّ، وبتدعينا إننا نحب ونحب لحتى نمتلي سعادة وحياة بمحيطنا.
وعِّينا يا ربّ تا نشوفك ونفهم حبّك ونسمحلو إنّو يجتاحنا، وهيك منقدر نبلّش بتغيير ذاتنا والآخرين، ومنقدّملك ياهن هديّة حبّ تفرّح قلبك للأبد.
/الخوري يوسف بركات/
