مع شروق شمس هالصباح المبارك، كل الخليقة بفرح بترفعلك التسبيح والتمجيد والتهليل يا إله السما والأرض.
يا ربّي يسوع، إنت اللي عطيتنا أجمل وصيّة بالحياة وهيي إننا نحبّ الله من كل قلبا وكل نفسنا وكل عقلنا ونكمّلا بمحبّتنا لإخوتنا متل ما منحب حالنا.
شو هالوصايا المهمة بحياتنا يا ربّ، اللي بتخلينا قراب منك بمجرّد ما كنا قراب من كل اللي عم منلتقي فيون عا دروبنا.
لأنو ما فينا نحبّك من دون ما نحب بعضنا البعض من كل قلوبنا ونتمنالن الخير.
يا ربّي يسوع الحبيب، نوّرنا تا نعرف ونتأكّد إنّو طريقنا للملكوت بدّا تمرق بإخوتنا، وإنّو الصلاة هيي حياة بتتجسّد بمحبّتنا لإخوتنا وأخواتنا وبعيش الخدمة والتجرّد ومش بس عواطف.
/الخوري يوسف بركات/
