ضوّى نورك علينا يا رب بهالصباح المبارك، ومعو تنوّرت قلوبنا وعقولنا، وفرحت مع إطلالة هالصباح المبارك، ضوّى نورك علينا يا ربّ وفرّح قلوبنا بيوم جديد وحياة جديدة وبركات جديدة، منشكرك يا إلهنا القدير عليهن.
يا يسوعنا الحبيب، منتأمّلك، إنت الله الإبن، لمن كنت عم بتصلّي لألله الآب كرمالنا وكرمال الكنيسة كلّا، واللي بيدهشنا نحنا الخاطيين وبيذكّرنا قدّيش نحنا مهمّين بنظرك.
صلاتك يا يسوعنا الحبيب، بتدفعنا بقوّة الإيمان تا نشتغل على إننا نفرّح قلبك، إنت اللي حبّيتنا حبّ ما إلو حدود، ونكون بالمستوى اللي بتريدنا إننا نكون فيه من القداسة، وتفتخر فينا.
أعطينا يا ربّ إننا نعرف نعيش معك علاقة البنوّة الحقيقية ونرمّم الجسر معك اللي هدّمتو الخطية.
/الخوري يوسف بركات/
