بصباح هالأحد الفرح اللي فيه عم نعيّد ونتذكّر حلولك يا روح الله القدّوس عالرسل بالعليّة، منشكرك لأنّك معنا وبيناتنا، حاضر فينا تا توجّهنا لألله الآب.
يا روح الله القدّوس البارقليط، تعا واسكون بقلوبنا وبعّد عنّا كل تجارب الخطية.
تعا وبعات شعاع نورك تا ينوّر عقولنا وقلوبنا متل ما ملأت الرسل فرح وسلام.
يا بيّنا السماوي، متل اليوم وحّدت بالروح القدس، الألسن بالعليّة بأورشليم بعد ما كانت تبلبلت ببابل.
إنت اللي بيّنتلنا هالعطيّة، روحك القدّوس، اللي بتفيضا عالكنيسة من خلال الرسل ومن خلال كل إنسان قبل الرسالة بحياتو.
منشكرك يا يسوع المسيح، لأنّك حقّقت وعدك لإلنا بإنّك تبعتلنا الروح القدس تا يكون معنا ويقوّينا.
منشكرك لأنّك خلّيت الكنيسة تولد من جديد تا تعيش سرّ الفدا.
تعا يا روح الله وشعّل فينا الحماس تا نعرف نشتغل بكرم الربّ.
علمنا كيف نعيش بهالوقت المحبة تجاه بعضنا البعض ونشهد لألله من كل قلوبنا وعقولنا.
/الخوري يوسف بركات/
