بصباح هالنهار اللي فيه عم تدفق خيراتك علينا يا ربّ، منرفعلك التسبيح والمجد والإكرام.
يا ربّي يسوع، إنت اللي إخترت أندراوس من بيت صيدا الجليل، تا يكون رسولك بين الأمم، وكان خير مثال للشاهد الأمين والحقيقي لقيامتك.
يا إلهنا الحبيب، إنت اللي حبيت أندراوس الإنسان البسيط والمتواضع، تا يعكس حبّك للعالم ويشهد لقيامتك بفرح الروح.
يا ربّي يسوع، إنت اللي شفت بأندراوس رسول حقيقي وتلميذ صادق، وإخترتو لأصعب مهمّة بيشوفا إنسان، وهيي إنّو يبشّر العالم بحقيقة الملكوت.
يا إله الكون، إله المحبّة والتواضع والحنان، إنت اللي إخترت وعم تختار كل واحد وواحدة منّا تا نحبّ ونضل نحبّ تا نوصل إننا نعرف نغفر بقلوب مليانة من فرح الربّ.
/الخوري يوسف بركات/
