منرفعلك يا ربّ أناشيد التسبيح والشكر على كل نعمك وعطاياك وعلى محبتك اللي بتفيضا علينا مع كل إشراقة صباح يوم جديد.

نعم يا ربّ، كانت مشيئتك إنّك تظهر ذاتك لكلّ اللي آمنو بكلمتك وتسلّحو بصليبك وعاشو وبعدن عم بيعيشو على رجاء القيامة.

نعم يا ربّ، كانت مشيئتك إنّو الحكمة تطلع من أفواه البسطاء وصيّادين السمك والشيوخ والأطفال، اللي حلّ الروح القدس فيهم وامتليو فهم وشجاعة وانطلقو بالبشارة حتّى الشهادة هنّي ورافعين إسمك وين ما راحو ومعن عصا الرعاية.

نعم يا ربّ، كلنا إيمان بمشيئتك اللي بدا يانا نكون أطفال فقرا بالروح.

ورغبة قلبك هيّي إنّو حبّك يغزو كل مفاصل حياتنا، ويشعّل نورك كل برودة بعدا معشعشة ببحر ظلمات حياتنا.

/الخوري يوسف بركات/