بصباح هالأحد الفارح، كل الخليقة، عا طريقتا، بترفعلك أناشيد الحمد والتسبيح يا إله السما والأرض.
يا بيّنا السماوي، منشكرك عالخلاص اللي قدمتلنا ياه بتجسّد الربّ يسوع إبنك ، وبآلامو وموتو وقيامتو من بين الأموات.
يا إلهنا الحبيب، منشكرك على الروح القدس اللي بيجدّد بحياتنا دايماً صورتك ومثالك، بوجّ كلّ الصعوبات والتجارب والضيقات اللي عم نواجها.
واليوم يا ربّ، منشكرك ومنطلب منّك إنّك تثبّتنا بموهبة الرجا المسيحي الحقيقي، تا تمتلي قلوبنا من محبّتك وحنانك بهالأزمات اللي عم تعترض حياتنا معك.
اليوم يا ربّ، منطلب منّك إنّك تملّينا شجاعة تا نقدر نعلن كلمتك لكل إنسان ضايع، شارد، مريض، مسجون بوحدتو، غريب بمجتمعو، ويعرفو قديشك محبّ وحنون ورحوم يا إله المحبة بملآا.
/الخوري يوسف بركات/
