بصباح هالأحد الفارح، ومع كل نفحة حياة بتنفحا علينا يا ربّ، منشكرك ومنرفعلك كل التسبيح والمجد.
يا ربّ السما والأرض، كل حياتو الإنسان بيضلّ يفكّر وبسعى كيف يعيش مرتاح، بس نحنا المؤمنين والمؤمنات فيك، عطيتنا رسالة ومعنى لحياتنا، وهيي إننا نكون سفراءك بالعالم.
يا ربّي يسوع، بالمعموديّة جعلتنا سفراء لإلك، وهلق نحنا عم نقبل هالمهمة بإيمان، بس المشكلة عم بتواجهنا إننا ما عم نعرف نعيشا بحياتنا الرسولية.
يا إلهي الحبيب، المحبّة عم بتكون ناقصة فينا تجاهك وتجاه الآخرين، وحتى التضحية عم تضعف فينا بسبب الأوضاع الصعبة اللي عم نواجها، حتى المريض عم ننساه، وزياراتنا للمسنين والفقراء عم تضعف.
يا ربّي يسوع، بدنا نسعى تا نرجع نستلم هالأمانة كسفراء لإلك ونفرّحلك قلبك بحياتنا.
/الخوري يوسف بركات/
