غاب الليل وطلّ علينا نهار جديد بيشعّ بنورك ومليان من نعمك يا ربّ، والخليقة بتنشدلك أجمل التسابيح وأعذب ألحان المجد يا إله الكون.
يا يسوعنا الحبيب، كتار المرّات اللي فيها منعيش الإزدواجية بحياتنا، متل ما عمل هالفرّيسي اللي دعاك تا تتعشى عندو، من ميلة منصلي ومن ميلة تانية منصير نحكم عالناس وندينن.
يا يسوعنا الغالي، كتار المرات اللي فيها منبلش نهارنا ومننهيه بجلسات صباحيّة ومسائيّة، والطبق الأساسي فيها هوي الحكي عالناس والتدخل بحياتن الشخصيّة والروحيّة.
صوتك يا يسوع عم يدعينا تا نطلع من هالجهل اللي عم ياكلنا، ونستدعي الروح القدس بكل جلسة منكون فيها، ويكون حبّك هوّي محور لقاءاتنا كلّا، ونسعى دايماً لخلاصنا وخلاص كل اللي منلتقي فيهن.
/الخوري يوسف بركات/
