مع بداية هالأسبوع المبارك ومع إطلالة هالصباح، منرفعلك يا ربّ كل التسبيح والمجد، ومنشكرك على نعمة الحياة اللي بتنعم علينا فيا.
يا ربّي يسوع، قدّام الناس فينا نبيّن كبار ومهمّين ومنعرف كل شي، حتى منقدر نخبّي حالنا، بس قدّامك ما فينا لأننا منعرف حجمنا الروحي الطبيعي.
ومنّك وحدك يا ربّ منستمدّ النِّعَم والعطايا، ووحدك اللي بتمنح المواهب والعطايا، لهيك بتطلب منّا نعيش التواضع.
وبتواضع الأبناء منطلب منّك يا ربّ، متل ما طلبو التلاميذ، إنّك تزيدنا إيمان وثبات فيك تا نقدر نتحرّر من كبرياءنا وأنانيّتنا، ونكتفي فيك.
يا يسوع، وحدك اللي بتعرفنا وبتعرف شو في بقلوبنا تجاهك، بدنا ياك ملك حياتنا، ما تغيب شمسك عن يومياتنا، وتبقى محبّتك هيي نهج ودستور حياتنا.
/الخوري يوسف بركات/
